Ekonomia -

Koronabirusa

Jaurlaritzak 1.000 milioi gastatu zituen pandemian; 500, Estatuko funtsetik

Azpiazuk azaldu du "egoera penagarri hau gainditzen dugunean" erabakiko dutela pandemiak eragindako krisiari aurre egiteko "faktura" nola ordaindu.

Pedro Azpiazu Ekonomia eta Ogasun sailburua. Argazkia: EiTB (artxiboa)
Jaurlaritzak 1.000 milioi gastatu zituen pandemian; 500, Estatuko funtsetik
Pedro Azpiazu Ekonomia eta Ogasun sailburua. Argazkia: EiTB (artxiboa)

AGENTZIAK | ERREDAKZIOA

Whatsapp Facebook Twitter Telegram Email

Orain arte Eusko Jaurlaritzak 1.000 milioi euro bideratu ditu COVID-19aren pandemiari eta horrek ekarritako ondorio ekonomikoei aurre egiteko. Xahututako diru horren erdia Espainiako Gobernuaren funtsetik jasotakoa zen.

Osasun Sailak emandako datuen arabera, 338 milioi euroko gastua ekarri du pandemiak Euskadin, baina Pedro Azpiazu Ekonomia eta Ogasun sailburuak Cadena SER irrati-katean egin dioten elkarrizketan zehaztu du 1.000 milioi gastatu dituztela.

Azpiazuren hitzetan, "egoera penagarri hau gainditzen dugunean" erabakiko dute pandemiak eragindako krisiari aurre egiteko "faktura" nola ordaindu.

"Faktura horren zer zati ordainduko dute etorkizuneko belaunaldiek eta zer zati oraingook? Zergei buruz hitz egitea da hori, baina oraindik ez da erreforma fiskal bat proposatzeko unea", adierazi du Ogasun sailburuak.

Oposizioari erantzunez, EAJk eta PSE-EEk aspaldi esan zuten ezin zutela oraingoz erreforma fiskal bat planteatu, zerga-sistemaren azken aldaketak izan dituen ondorioak aztertu arte, behintzat.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
Hau zure interesekoa bada, baliteke beste gai hauek ere izatea
Krisi ekonomikoa Eusko Jaurlaritza Ekonomia Eguneko albisteak Albisteak Koronabirusa