Prezioak bost hamarren jaitsi dira uztailean

Kontsumorako Prezioen Indizeak (KPI) bost hamarren egin zuen behera uztailean, ekaineko datuekin alderatuta, eta, ondorioz, urte-arteko inflazioa % 3,1ean ezarri da. EAEn prezioaren jaitsiera % 0,5ekoa izan da eta Nafarroan, % 0,3koa.

Estatuko Estatistika Institutuak joan den uztailaren 29an argitaratu zuen behin-behineko datua, beraz, bete egin da eta horrek jarraian izandako hirugarren jaitsiera suposatzen du. Komunikazioen tasak 1,5 puntuko beherakada izan du eta -% 1,2an ezarri da; etxeko horniduretan jaitsiera lau puntutakoa izan da eta % 1,1ean ezarri da; garraiobideetan, berriz, beherakada bi puntutakoa izan da eta % 7,7an ezarri da.

KPIren beherakada uztailean, besteak beste, arropen eta oinetakoen prezioen jaitsierak (% 12koa) eta etxeko tresnen prezioen beherakadak (% 0,8koa) eraginda eman da. Aisialdia eta kultura, berriz, garestitu egin dira (% 2,3 igoera), baita alkoholdun edariak, tabakoa (% 2 igoera izan dute biek) eta etxebizitza (% 1,1) ere. Bestalde, azpiko inflazioa (elaboratu gabeko elikagaiak eta produktu energetikoak ez ditu kontuan hartzen) hamarren bat jaitsi da eta % 1,6an ezarri da.