Ekonomia -
Erreakzioak
Confebaskek epaia onartzen du baina ez dago erabakiarekin ados
Ramon Jauregik erabakia "aitzakiarik gabe" beteko dela iragarri du. PSEk, berriz, Jaurlaritza eta Foru Ogasunen arteko elkarlana deitu du.
Erredakzioa
Confebask Euskal Enpresarien Konfederakuntzak adierazi duenez, EBko Justizia Auzitegiaren epaia "onartu" du, baina ez dago erabakiarekin ados.
Komunikatu batean, Confebaskek adierazi du euskal enpresek garai horretan indarrean zegoen legediaren arabera jokatu zutela, "legezkoa zela zalantzan jarri gabe", eta krisi garai latz batean, eskatu zitzaizkien inbertsio eta lan sorkuntza baldintzak bete zituztela. Gainera, inbertsio horiek dagoeneko berreskuratu ezin direla gogoratu du.
Jauregui: ''Epaia era ezeztaezinean beteko da" Ramon Jauregi Presidentzia ministroak esan du EBKO Auzitegiaren epaia era ezeztaezinean beteko dela eta 500 milioi eurotara iristen diren laguntzak "itzuliko" direla adierazi du, Bruselak dituen iragarpenen arabera. Ministroak epaia ezagutu aurretik hitz egin du komunikabideekin, baina auzitegiak neurri horiek legez kanpokoak direla erabakitzen bazuen enpresek Aldundiei jasotako dirua itzuli beharko lieketela esan du. PSE: Elkarrekin lan egin behar dugu jarduera ekonomikoa ez kaltetzeko
Jose Antonio Pastor PSE-EEren bozeramaileak EBko Auzitegiaren epaiak "albiste txarra" direla esan du. Horrez gain, erabaki horrel Euskadiko "jarduera ekonomikoa eta enpresen jarduera ez kaltetzeko" Eusko Jaurlaritzari eta hiru Aldundiei "elkarrekin lan egiteko" eskatu die. Agintari sozialistak Bilbon komunikabideei adierazi dienaren arabera, ostegun honetan ezagututako epaia "ez da, tamalez, ustekabea izan"; izan ere, "aurreko epaiaren jarraipena da, konpontzeko gelditzen zen palia antzeko bat".
ELA: bidegabekoa izango litzateke "matxura" konpontzeko "bakoitzak berea ordaintzea"
Adolfo Muñoz ELAko idazkari nagusiak esan du "opor fiskalak" diseinatu zituztenek egindako "matxura" konpontzeko zergak ordaintzen dituztenen artean "bakoitzak berea ordaintzea" guztiz bidegabekoa izango litzatekeela.
Bilbon eskaini duen prentsaurreko batean, "Txiki" Muñozek politika fiskal aplikatuak kritikatu ditu, erantzukizunak eskatu ditu eta enpresei eragin zizkien milioika euroko "aurrezkiek" lanposturik eragin ez zutela azaldu du.
