Ekonomia -
Bat-egite hotza
Euskal kutxek bat egin ondoren izango duten pisua adostu dute
BBKren esku geratuko da % 57, Kutxarena izango da % 32 eta Vital Kutxarena % 11. Kutxen administrazio kontseiluek berretsi beharko dute presidenteek hitzartutakoa, gaur arratsaldean.
Erredakzioa
Hiru euskal kutxetako presidenteek akordioa egin dute bat-egitearen ondoren bakoitzak izango duen pisuaren inguruan. Itun horren arabera, BBKren esku geratuko da % 57, Kutxarena izango da % 32 eta Vital Kutxarena % 11.
Jose Antonio Pastor PSE-EEren Legebiltzarreko bozeramaileak eman du akordioaren berri eta kutxetako zuzendaritzen arteko negoziazioen ondorio izan dela azaldu du.
BBK-ko, Kutxako eta Vital Kutxako administrazio kontseiluek bilera egingo dute gaur arratsaldean eta presidenteen ituna berretsiko dutela espero da.
Litekeena da proposamenak aurrera egitea, izan ere, Arabako PPk egindako eskakizuna, % 10 gutxienez Vitalen esku geratzea, bete dute.
Hurrengo data garrantzitsua irailean izango da. Orduantxe, kutxen Asanbleek oniritzia emango diote fusioari. Prozesu horretan, baina, zailtasunak egon litezke Kutxaren baitan.
