Ekonomia -
Lan gatazka
Eskola publikoetako jantokietan greban jarraituko dute aste honetan
Sare publikoko jangeletako langileek maiatzaren 2an hasi zuten grebarekin jarraituko dute aste honetan ere; "ahal bezain laster" Hezkuntza departamentuarekin biltzeko esperantza agertu dute.
Erredakzioa
Euskadiko aare publikoko ikastetxeetako jangeletako langileek iragan astean hasi zuten grebarekin jarraitzen dute aste honetan. Hala erabaki zuten ELA, LAB eta UGT sindikatuek ostiralean egin zuten batzarrean.
Komunikatu baten bitartez hiru sindikatuek azaldu dutenez, joan den aste guztia greban iragan ostean, lanuzteek eta mobilizazioek "inoiz baino indartsuago" jarraitzen dute eta greba deitu dutenek&' || 'nbsp; "indarrak batzen" jarraitzen dutela gaineratu dute.
Gainera, langileek "ahal bezain laster" Eusko Jaurlaritzako Hezkuntza Sailarekin bilera bat egiteko esperantza agertu dute. Euskadiko sare publikoan azpikontratatuta lan egiten duten langileek -4.500 inguru dira- Hezkuntza sailak zuzenean kontratatzen dituen langileekin soldatak parekatzea eskatzen dute, besteak beste, funtzio bera betetzen dutela argudiatuta.
Greba deitu duten sindikatuek, patronala ez dela batere mugitzen ari salatu dute. Enpresaren arabera, berriz, iragan ostiraleko grebak esaterako "jarraipen eskasa" izan zuen langileen % 76,71 lanera joan zelako.
