Ekonomia -
LANUZTEAK AUTOBUS ZERBITZUAN
Lanuzte eguna dute gaur Bilbobus zerbitzuan
Txanda bakoitzean lau orduko lanuzteak egingo dituzte: 07:30etik 11:30era eta 17:30etik 21:30era.
EITB.EUS
Bilbobuseko langileek txanda bakoitzeko lau orduko lanuzteak egingo dituzte gaur, UGT, CCOO, USO, ELA, LAB eta ESK sindikatuek deituta. Besteak beste, lan hitzarmen berria eskatzen dute.
Autobusak ez dira ibiliko 07:30etik 11:30era eta 17:30etik 21:30era.
Langileek hainbat gauza aldarrikatzen dituzte, hala nola lan-hitzarmen berria negoziatzea eta zerbitzuaren "murrizketa etengabeak" baztertzea. Izan ere, enpresa zuzendaritzarekin sinatutako azken hitzarmenak iaz utzi zion indarrean egoteari.
Atzo, Bilbobuseko greba batzordeak eta enpresak egindako bilera akordiorik gabe amaitu zen. Langileen esanetan, enpresak egindako azken eskaintza ez da nahikoa.
Akordiorik ezean, lau orduko lanuzteak egingo dituzte hilaren 14an, 17an eta 19an: 07:30etik 11:30era eta 17:30etik 21:30era. Hilaren 21ean, San Tomas egunean, greba 24 ordukoa izango da.
