Igandeetan eta jaiegunetan dendak irekitzearen kontra egin dute Gasteizen

Merkataritza-enpresa baten dendaren aurrean manifestatu dira 30 bat lagun igande honetan Gasteizen, jaiegunetan eta igandeetan dendak zabaltzearen kontra protesta egiteko. Horien iritzian, "oro har merkataritzaren onerako izan beharrean", horrek "langileen esplotazioa dakar, eta euren lan-baldintzak okerrera malgutzen ditu".

"Gure aisialdia ez da negozioa" lemapean manifestatu dira, ELAk, LABek, CCOOk, UGTk, ESK-k eta CGT-k osatutako plataforma sindikalak deituta. Hainbat oihu izan dira entzungai, tartean, "ez dituzte langilerik nahi, esklaboak baizik", "igandeak eta jaiegunak aisialdirako dira, ez negoziorako", eta "igandetan Euskadin lehendakariak lan egin dezala".

Sindikatuetako bozeramaile batek azaldu duenez, igandetan eta jaiegunetan dendak zabaltzea "herrietako denda txikien aurka doa, ondorioz, alor horretan enplegua suntsitzen du, merkataritza-enpresa handien onerako bakarrik".

Amaitzeko, merkataritza-alorraren "liberalizazio basatia" salatu du, eta herritarrei dei egin die "erantzukinez" jokatzeko, igandetan eta jaiegunetan irekita dauden dendetan eros ez dezaten.