Facuak Ryanair salatu du eskuko ekipajea kobratzeko neurriagatik

Facuak salaketa bat aurkeztu du Ryanairren aurka Aire Segurtasunaren Estatuko Agentziaren eta Kontsumoko Espainiako Agentziaren aurrean, eskuko ekipajeagatik kobratzen hasteko neurriagatik.

Elkartearen ustez, praktika hori gehiegizkoa da, eta "kontsumitzaileei kalte larria eragiten die, haien eskubideak hausten ditu eta aire garraioko kontratuaren oinarrizko baldintzak ez ditu betetzen", ohartarazi du.

Facuak azaldu duenez, Aire Nabigazio Legearen arabera, garraiolaria bidaiariaren eskuko ekipajea eta objektuak kabinan doan garraiatzera behartuta dago, eta salbuespen modura segurtasun arrazoiak, eta pisuarekin edo objektuaren tamainarekin zerikusia dutenak daude.

Halaber, Kontsumitzaileen eta Erabiltzaileen Defentsarako Lege Orokorrak gehiegizko klausulatzat jotzen ditu indibidualki negoziatzen ez diren hitzarmenak, eta espresuki onartzen ez diren praktika guztiak, kontsumitzaileen eta erabiltzaileen kaltean, kontratutik ondorioztatzen diren eskubideen desoreka eragiten dutenak.

Ryanair konpainiak abuztuaren 23an iragarri zuen eskuko ekipajearen politikaren aldaketa. Erabiltzaileek azaroaren 1etik aurrera zortzi eta hamar euro artean ordaindu beharko dituzte kabinan sartzen dituzten hamar eurorainoko maletengatik; orain arte doakoa zen.