Ekonomia -
Nafarroa
Hil egin da ostegunean Lakuntzan lan-istripua izan zuen gaztea
Sakana Sociedad Cooperativan izan zen istripua ostegun goizean. 30 urteko langilea helikopteroz eraman zuten Nafarroako Ospitalera, oso larri, eta atzo iluntzean hil zen.
agentziak | erredakzioa
Lakuntzako (Nafarroa) 30 urteko langile bat hil zen atzo iluntzean Nafarroako Ospitalean, bezperan Sakana Sociedad Cooperativa enpresan lan-istripua izan eta gero.
SOS Nafarroa zerbitzuak osteguneko 08:18ean izan zuen ezbeharraren berri. Langileari metalezko plataforma bat gainean erori zitziola abisatu zieten, eta berehala bertaratu ziren Foruzainak, Anbulantzia eta Suhiltzaileak. Helikopteroz eraman zuten gaztea Nafarroako Ospitalera, oso larri. Azkenean, ostiral gauean hil zen.
Poliziak ikerketa ireki du istripua zergatik eta nola gertatu zen argitzeko.
