Establezimenduek erosketa tiketa ematen dutela zainduko du Bizkaiak

Bizkaiko foru Ogasunak datozen asteetan tiketen kontrol kanpainak egingo ditu merkataritza, ostalaritza eta zerbitzu publikoetako establezimenduetan. Aurreko aldietan bezala, agente fiskalek hainbat udalerritan establezimenduak ikuskatuko dituzte, bezeroei faktura sinplifikatua zuzen emateko beharra betetzen duten frogatzeko.

Foru erakundeak jakitera eman duenez, kontrol kanpaina hau Bizkaiko foru Aldundiak iruzur fiskalaren aurka borrokatzeko planaren barruan dago, izan ere, fakturarik ez ematea "iruzurrezko" jokaera da, "diru-sarrerak ezkutatzeko asmoa ezkutatu ahal da atzean, eta, beraz, Ogasunari iruzur egitea".

Fakturak emateko kontrola Foru Ogasunak diru-sarrerak ezkutatzearen aurka dituen beste jokabide batzuekin batera egingo dute. Informazioaz berehala hornitzea martxan jarriko dute hemendik gutxi barru, eta, besteak beste, enpresa handiei eragingo die, baita saltokietako kontrol telematikoetako sistemei ere.

Baliotasun osoa izateko, prezioaz gain, salerosleek bezeroei ematen dizkieten tiketek nahitaez honako datu hauek izan behar dituzte: igorlearen NIFa, izena edota arrazoi soziala, faktura zenbakia, data, egindako operazioa eta BEZ mota.

600 eurora irits daitezkeen zigorrak

Aurrez egindako kontrol kanpainetan lau establezimendutatik bakarrak bete zituen zorrozki obligazioak. Hala egin ez zutenei 600 eurorainoko zigorrak jaso zituzten, ikuskapena ireki zieten, edota ohartarazi egin zituzten.

Kontrola gauzatzen duten ikuskatzaileek Bizkaiko merkataritza txikizkariaren, publikoari irekitako zerbitzuen eta edozein herritako ostalaritza establezimendutako adar guztiak aukeratzen dituzte.