1.200 milioi euroko aurrekontua onartu du Bizkaiko Foru Aldundiak

Bizkaiko Foru Aldundiak 2018rako aurrekontuen proiektua onartu du, Batzar Nagusietako taldeek bozkatzeko. 7.813,2 milioi eurokoa da; horietatik, 1.193,7 milioi foru sailetara bideratuta daude. %2,4 igo da kopuru hori.

Gobernuko bi alderdiek, EAkJ eta PSEk, gehiengo nahikoa dute Batzar Nagusietan aurrekontuak bozkatzeko.

Unai Rementeriaren arabera, "trantsizio aurrekontuak dira, krisi aurrekontuen eta hobeak izango diren aurrekontuen artekoak". Diputatu nagusiarentzat, "ez dira amestutako aurrekontuak baliabide gehiago izatea gustatuko litzaigukeelako", baina "krisiaren aurreko zenbakiak berreskuratu ditugu".

Aurrekontu hauek "inbertsio publikoa berreskuratzen" uzten dutela esan du Rementeriak, eskualde guztietako azpiegituretan lanak burutzeko, Energy Intelligence Centerreko lehenengo fasean edo Ezkerraldeko parke teknologikoan.

"Inor atzean ez uztera" bideratuta dago aurrekontuaren erdia, 525 milioi euro; 400 milioi lurralde kohesioa sustatzeko erabiliko dira, eta 71,8 milioi jarduera ekonomikoa eta enplegua bultzatzeko.

Gastuen kapituluan, beste instituzioei (Eusko Jaurlaritza, udalak eta Batza Orokorrak) ordaintzeko kopurua, Kopua barne, 6.211,1 milioi eurokoa da.

Diputazioaren barne gestioaren aurrekontua %2,63 igo da, 1.602 milioira, eta departamentuena %2,4, 1.193 milioira:

Gizarte ekintza: 494,59 milioi euro (+%4,51)Ekonomi eta Lurralde Garapena: 269 milioi euro (+%5)Herri Administrazioa eta Erakunde Harremanak: 56,46 milioi euro (+%21,71)Euskara eta Kultura: 44,96 milioi euro (+%3)Ogasuna eta Finantzak: 54,33 milioi euro (+%3,66)Enplegua, Gizarteratzea eta Berdintasuna: 52,63% (+%2,4)Iraunkortasuna eta Ingurune Naturala: 89 milioi euro (-%6,1)Garraioak, Mugikortasuna eta Lurraldearen Kohesioa: 133,94 milioi euro (-%10,12)