Euskotreneko Gipuzkoako makinariek lanuzteak hasi dituzte

Euskotrenen Amarako eta Arasoko lan-egoitzetako makinariek lanuzteak hasi dituzte. Gaur hasi eta urtea amaitu bitartean protesta egutegi zabala prestatu dute, eta kostaldeko trenean (Zumaia-Amara-Zumaia) eta topoan (Lasarte Oria-Hendaia-Lasarte Oria) izango du eragina.

Gaur eta ostegunean 06:25etik 08:35era eta 17:25etik 19:35era deitu dituzte lanuzteak eta gainerako tarteetan ohiko orduan ibiliko dira trenak.

Eusko Jaurlaritzak jakinarazi duenez, lanuzteak deituta dauden ordu tarteetan gutxieneko zerbitzuak bermatuko ditu. Bestalde, informazio gehiagorako Euskotrenen webgunera jotzea gomendatzen die enpresak erabiltzaileei.

Aste honetan, gaur, ostegunean eta larunbatean egingo dituzte lanuzteak.