KPI % 1,1 igo da apirilean

Kontsumorako Prezioen Indizea (KPI) % 1,1 hazi zen apirilean eta % 1,5 urtebetean, Espainiako Estatistika Institutuak ezagutzera eman dituen datuen arabera.

Urtebeteko tasa hori altuena da 2008ko abendutik.

Aurreko hilabeteko prezioen gorakadan eragin handiena izan zuten produktuak eta zerbitzuak honakoak izan ziren: jantziak eta oinetakoak (% 9,5), garraioa (% 1,5) eta etxebizitza (% 0,7).

Azpiko inflazioak -elikagaien eta energiaren prezio aldaketak aintzat hartzen ez dituena- hiru hamarren behera egin zuen eta 24 urtetetan, lehenengoz, zenbaki gorritan dago.

EAEko eta Nafarroako datuak

Euskadiko prezioen igoera Espainiako batez bestekoaren bat dator eta Nafarroako prezioak, berriz, % 1 gora egin zuten.

Urtebeteko indizeari dagokionez, Euskadiko Autonomia Erkidegoan % 1,3 gora egin zuten prezioek eta Nafarroan, % 1,1.