Ekonomia -
Turismoa
Turisten kopurua % 10 hazi da Donostian, udan
Turisten % 54 atzerritarrak izan dira, eta % 46, Espainiako Estatukoak.
AGENTZIAK | ERREDAKZIOA
Donostian gaua eman duten turisten kopurua % 9,98 hazi da uda honetan. Gainera, opor garaietatik kanpoko turismoak ere gora egin du, urtarriletik abuztura % 11,46 igo baita, iazko datuekin alderatuta.
Ernesto Gasco Turismo zinegotziak eta Manu Narvaez Donostia Turismo erakundeko zuzendariak prentsaurrekoa eskaini dute, eta horretan, nazioarteko turistak erakartzea "helburuetako bat" zela azaldu dute.
2013tik, Donostian gaua pasatzen duten turista atzerritarrak Espainiako Estatukoak baino gehiago dira. Aurten, adibidez, % 54 izan dira atzerritarrak, eta % 46, Estatukoak.
Turistek Donostian erabilitako garraio motari dagokionez, % 57k autoaren alde egin dute. Bitxikeri bat: Gipuzkoako hiriburura oinez heldu direnak hegazkinez egin dutenak baino gehiago izan dira, Done Jakue Bideko erromesak direla eta.
