Erakundeen arteko ika-mika bukatzeko eskatu dute Candyko langileek

Eusko Jaurlaritzak eta Gipuzkoako Aldundiak mantentzen duten ?tirabira publikoaren? aurka agertu da Candy Hoovereko (Bergara) enpresa-batzordea. ?Zentzuz jokatzea? eskatu dute langileek, bi erakundeek ?elkarrekin? lan egiteko.

Bi erakunde publikoen arteko akusazioak ?hauteskundeen ikuspegi batetik bakarrik uler? daitezkeela uste du Candyko langileen ordezkaritzak. ?Berriro industrializatzeko edozein prozesuri kalte larria egiten ari zaie, arriskuan jarri arte?, gaineratu du enpresa-batzordeak.

Egoera honekin amaitzeko, Garapen Ekonomikorako Sailari eta Gipuzkoako Aldundiari ?hiruko bilera bat? eskatu die enpresa-batzordeak.

Candyko ordezkaritza sindikalak ziurtatu duenez, langileak ?zalaparta mediatiko handi? batean murgildurik aurkitzen dira. ?Mundu guztiak euren etorkizunaz hitz egiten du?, erantsi du enpresa-batzordeak.