Gobernuak merkatuarekin lotutako tarifa elektriko berria onartu du

Ministroen Kontseiluak oniritzia eman dio erregulatutako tarifa elektrikoan (16 milioi kontsumitzailek erabiltzen dute) energiaren kostua finkatzeko sistema berriari. Apirilaren 1etik aurrera jarriko da indarrean, eta merkatu handizkariaren bilakaerarekin lotuta egongo da.

Jose Manuel Soria Industria ministroak Ministroaren Kontseiluaren osteko prentsaurrekoan azaldu duenez, sistema berrian bost abantaila ditu, besteak beste, "kontsumitzaile guztientzako aurrezte argia".

"Kontsumitzaile guztiek aurreztuko dute argi eta garbi", azaldu du Soriak. Halaber, 1.671 milioi euroko kostua izan duela esan du enkanteen defentsak azken bost urteotan.

Soriak azaldu duenez, kontsumitzaileak, prezioaren seinaleak izango ditu, lehiakortasun handiagoa izango da, eta erabiltzaileak aukeratzeko gaitasun gehiago izango du, hautatzeko izango diren modalitate ezberdinen artean.

Eredu berriak osagarri energetikoa zuzenean handizkako merkatuarekin lotzen du, 2013 urtearen amaieran Cesurren azken enkantea bertan behera utzi ostean,  "egoera atipikoagatik"; energiaren kostua % 25,6 igotzea eragin zuen.

Urteko lehen hiruhilekoan, eta mekanismo berri hau indarrean sartzeko esperoan, indarrean egon den energiaren prezioa megawatta (MW) 48 euro ordaindu da, eta horretatik fakturatu zaie kontsumitzaileei. Fakturazio hori orain handizkako merkatuaren benetako bilakaerarekin adostu beharko da hiruhileko honetan.