24 orduko beste 16 greba jardunaldi iragarri dituzte Bizkaibusen

Bizkaibuseko langileen sindikatuek beste 16 greba-egun deitu dituzte beren aldarrikapenak defendatzeko. Autobusetako langileak 24 orduko greba eguna egiten ari dira gaur.

Bizkaiko Foru Aldundiarekin akordio batera heldu ezean, urriaren 1, 3, 8, 9, 10, 14, 15, 16, 17, 21, 22, 23, 24, 25, 26 eta 27an langileak greba egitera deitu dituzte sindikatuek.

Bizkaibuseko zerbitzuan enplegua eta egungo lan-baldintzak mantentzea eskatzen diote ELA, CCOO, UGT, LAB eta USO sindikatuek Bizkaiko Foru Aldundiari.

Gaurko greba-egunaren ostean, sindikatuak Aldundiko ordezkariekin bilduko dira ostiral honetan, negoziatzen jarraitzeko.