Ekonomia -
Gizarte Segurantzaren datuak
Pentsiodunen kopurua % 1,4 hazi da azken urtean EAEn
Guztira, 512.939 lagunek jaso zuten pentsioa otsailean. Euskal Autonomia Erkidegoko pentsioak 1.050,07 eurokoak dira batez beste, Espainiako Gobernuak helarazitako datuen arabera.
Erredakzioa
Otsailean 512.939 pentsiodun zeuden Euskal Autonomia Erkidegoan (EAE), iazko hilabete berean baino % 1,4 gehiago, Espainiako Enplegu eta Gizarte Segurantza Ministerioak emandako datuen arabera.
EAEn batez besteko pentsioa 1.050,07 eurokoa da, duela urtebete baino % 3,2 handiagoa.
Prestazio horien erdiak baino gehiago (319.151) erretiro-pentsioak dira; 133.509, alargun-pentsioak dira; 43.710, ezintasun-pentsioak; 14.049, zurztasun-pentsioak; eta 2.520, senideen aldekoak.
Espainian, kotizaziopeko pentsioak 9.000.284 dira jada, iaz baino % 1,5 gehiago. Erdiak baino gehiago (5.401.315) erretiro-pentsioak dira; 2.327.602, alarguntasun-pentsioak; 936.816, ezintasun-pentsioak; 296.955, zurztasun pentsioak; eta 37.596, senideen aldekoak.
Batez besteko pentsioa 972,15 eurokoa da Espainian, iazko otsailean baino % 3,5 handiagoa.
