Ekonomia -
Garraioa
Ryanair hegazkin konpainiaren bidaiari kopurua % 4 hazi da 2012an
Iaz 79,6 milioi lagunek bidaiatu zuten koste baxuko airelinearekin. Urtea ere datu onekin itxi du Irlandako enpresak, bidaiari kopurua % 2 hazi baita abenduan.
2012. urtean 79,6 milioi lagunek bidaiatu zuten Ryanair koste baxuko hegazkin konpainiarekin. 2011ko datuekin alderatuta % 4 hazi da bidaiari kopurua, Irlandako enpresak ohar bidez jakinarazi duenez.
Urtea ere datu onekin itxi du enpresak % 2 hazi baita bidaiari kopurua abenduan. Orotara, 4,84 milioi bidaiari mugitu ditu batetik bestera abenduan.
2011ko abenduan bestalde, 4,76 milioi erabiltzailek bidaiatu zuten Ryanair konpainiako hegazkinetan.
2012an zazpi hilabetez jarraian 7 milioi erabiltzaileren muga gainditu zuen hegazkin konpainiak, eta abuztuan goia jo zuen, 8,9 milioi erabiltzailek bidaiatu baitzuten Ryanair enpresako hegazkinetan.