Esne Bidea era interaktiboan ikusteko aplikazio bat sortu du Googlek

Google Labsek aplikazio grafiko berri bat sortu du Esne Bidea era interaktiboan bisitatu ahal izateko. "100.000 stars" izeneko aplikazio honekin, eguzkira hurbil gaitezke eta poliki-poliki urrunduz joan eguzki-sistema osoa ikusteko.

Programan azaltzen diren izarrak baino bi milioi aldiz gehiago daudela azaldu dute zientzialariek, baina Europako Espazio Agentziak, Yale Unibertsitateak, NASAk, Wikipediak eta beste erakunde zientifiko batzuek dituzten datuak erabili dituztela esan dute Googleko adituek. Horrela, galaxiako izar guztiak ikusten ez diren arren, dagoeneko ikertu diren izarren izenak agertzen dira aplikazioan, eta Lurretik zein distantziatara dauden ikus daiteke.

Zehazki, aplikazioa http://workshop.chromeexperiments.com/stars webgunean aurki daiteke eta Eguzkitik eta planetetatik hurbilen dauden eta garrantzitsuenak diren 87 izarretara hurbildu daiteke.

Aplikazioa Google Chromerekin dabil, eta ordenagailuko saguaren kurtsorearekin aukeratutako izarretara hurbiltzeko aukera ematen du.