Perlak

Perlak

Edukiak ikusteko, erregistratu

Audioak

Euskara

Transkripzioak

Euskara

Gaztelania

Gure herriaren jakintzaz, gure Fonotekan aukeratutako edukien artetik aukeratu ditugu zuretzat perla hauek elkarrizketa formatuko podcastetan.

Ekoizpen-urtea

2011

Generoa

Artxibotik

Denboraldiak

Zendu da Ramon Zubizarreta "Landakanda" pandero jolea, Laja eta Landakanda bikote historikoaren kidea. Ez dago Euskal Herrian, Iñaki Garmendia trikitilariak eta biek osatzen zuten bikote honek jo gabeko plazarik. Landakandari "Panderoaren erregea" esaten zioten eta izenburu horrekin argitara eman zen liburuaren harian elkarrizketatu zuten Euskadi Irratian. "Perlak" podcastean eskaintzen dizugu 2011ko abenduan Nekane Peñagarikanok, Landakan eta Miguel Angel Elustondori, kazetaria eta idazleari, egin zien elkarrizketa.

Alex Gurrutxaga: ''Xabier Lete. Aberriaren poeta kantaria'', Euskadi Saiakera sariduna

Alex Gurrutxagak, Xabier Leteren poesiagintzaz tesi mardula egin zuen eta lan hartarako bildutako materiala ugariari, orrazkera aldatu, eta "Xabier Lete. Aberriaren poeta kantaria" argitara eman zuen 2020ko ekainean, Alberdaniarekin. Lan horregatik jaso zuen 2021an Saiakeraren Euskadi literatura saria. Epaimahaiaren iritzirako "ekarpen handia egiten du Xabier Leteren poeta eta bere obraren inguruan" eta "gure poeta handienetako bat ezagutzeko aukera ematen du, bere ideiak publiko egiten ditu, eta gainera bere kantagintza eta kontzertuak lotzen ditu garai horretako giroa eta pentsamenduarekin". Liburua argitaratu ostean izan zen Asier Gurrutxaga "Arratsean", Arantxa Iturberekin batera Leteren kantuak entzunez, haren poesiaz eta bizitzaz hizketan.

Xabier Añua: ''Me gusta la libertad que tiene el Jazz''

Felix eta Alberto Iñurrategi anaia gazteen abileziak eta bitxikeriak

Fonotekako perlen artean topatu dugu Alberto eta Felix Iñurrategi anaiak Euskadi Gazteako "Hi bizi haiz hi!" saiora bisita egin zuteneko elkarrizketa. 1996ko azaroaren 28a zen eta Dani Arizalarekin batera, Kristina, Nagore eta Haritz izeneko hiru kazetari gazte ari dira galderak bideratzen, lotsagabe, Aretxabaletako mendizaleak estu lotzen sarritan. Bi anaien arteko konplizitatea eta abilezia agerikoa da. A! eta kazetari gazte haietako bat zailduta dago eta Haritz Gallastegi lankidea da egun.

Futbola: Lehen mailako bost entrenatzaile euskaldunak

Lehen mailako futbolaren historian aurreneko aldiz, hego Euskal Herriko bost talde nagusietako entrenatzaileak euskal hiztunak dira 2019 urtean eta mahai berean elkartu ahal izan ditugu Osasuna, Alaves, Eibar, Reala eta Athletic-eko aldagelatako gidariak. Jagoba Arrasate, Asier Garitano, Jose Luis Mendilibar, Imanol Alguacil eta Gaizka Garitano, futbolari izan ziren entrenatzaile izatera iritsi aurretik, beraz ondo baina hobeto ezagutzen dituzte aldagelak ez ezik afizioak ere. Liga txapelketaren atseden tarte bat baliatuta elkartu ahal izan genituen eta lagun arteko giroan.

Garazi Peritz: Adopzioaz ''Ez dugu ezkutatu behar nondik gatozen''

Colombian sortu zen Garazi Peritz; Bogotako zubipe batean erditu zen bere ama biologikoa eta hura non gertatu zen jakitera joan da Zarautzen hazi duten gurasoekin. "Harro nago, familia bikaina dut" errepikatzen du eta esker ona azaltzen die Zarautzen hezi duten gurasoei; Txus eta Xabier Euzkitze. "Ez dakite zer inportantea izan den bidai hau niretzat" azpimarratzen du Colombiatik itzuli berritan. "Beti jakin dute sustraien berri jakin nahi nuela" eta horregatik egin dute bidaia fisiko eta geografikoa elkarrekin.

Berria

ZUZENEAN. "Distrito Euskadi" berezia Gasteiztik

Rosa Montero: "La presidencia de Trump es como si al matón del patio de recreo le nombran director del colegio"

Berria

Laguntza