Prestaketa

GONBIDATUAK:

Paula Heras eta Haritz Arrieta hornitzaileak.

NOLA EGIN:

-Berakatza eta tipulatxa txikitu eta oliba-olio pixka batekin, erregosten jarri.

-Ilarren lekak urarekin egosten jarri, saltsa bat egiteko.

-Ilarrak erregositako barazkiei gehitu eta salteatu. Barazkien gainean, bi arrautza jarri eta barazkien beroarekin egiten utzi.

-Patatak zuritu, uretan egosi eta birrindu, patata purea lortu arte.

-Osagaiak platereratzean, patata purea jarri oinarrian eta ilarrak gainetik bota. Amaitzeko, arrautza gainean jarri eta oliba-olioa eta gatzarekin ondu.