Hasi dira 'Gailurra Xtreme' saiorako aurrez aurreko castingak

Euren bizitzako erronkarik gogorrenetako bati aurre egingo dioten lehiakideen bila dabil "Gailurra Xtreme" Euskal Telebistako saioa. Hurrengo denboraldian, Pirinioak zeharkatzen dituen GR11 ibilbidearen zati bat egitera ausartuko diren 10 lagun behar ditu.

Lehiakideen helburua mendiz mendi 8 etapatan 300 kilometro egitea izango da, Higer lurmuturrean hasi eta Monte Perdidoraino, tartean, Urkiaga mendatea, Izaba, Candanchu eta Panticosa igarota. Parte-hartzaileek, batez beste, 42 kilometro egingo dituzte etapa bakoitzean.

Lasterketa eta saioa irailaren 22tik urriaren 1era bitartean grabatuko dituzte. Beraz, egun horietan parte hartu ahal izango duten abenturazaleak behar ditu "Gailurra Xtreme" saioak.

Mendia gustuko baduzu eta esperientzia xtreme honi aurre egiteko gai bazara, ez galdu aukera! Zure datuak bidali, gailurra@eitb.eus helbidera idatziz edota 616 708 784 telefono zenbakira deituz.

Castingak bigarren fase bat izango du eta, aukeratutakoekin aurrez aurreko casting bat egingo da abuztuaren 21eko astean.

OHARRA: Jasotako datu pertsonalak kudeatzeko arduraduna PRIMETIME MEDIA S.L ekoiztetxea da (IFK: B-95734638. Egoitza: Basurtuko kaputxinoak 2, 48013 Bilbo. Telefonoa: 944 233 302). Datuak babesteko araudiak zehaztu bezala, datuak atzitzeko, zuzentzeko, ezerezteko eta aurka egiteko eskubidea erabiltzeko, enpresa horretara jo beharko da. Horretarako, eskariarekin batera, NAN agiriaren kopia bat bidali behar da helbide honetara: ptm@primetimem.com.