Homofobia

Etorkinen, emakumeen, LGTBI kolektiboaren eta bestelakoen aurkako gorroto mezuak zabaltzen zituen gizon baten arrastoari jarraituta egin dute operazioa. Munizioa eta lehergailuak egiteko materiala atzeman dute.

Aldapeta Maria ikastetxeko zuzendariak jakitera eman duenez, atzeman duten whatsapp taldean irudi pornografikoak, irain homofoboak eta sexistak irakurri zitezkeen. "Taldea oso zabalduta dago", adierazi du Jose Eizmendik.

Akusatuak adierazi duenez, "bulkada batean" eraso zion biktimari, baina "zer egiten ari zen" konturatu zenean, "gelditu" eta "ihes" egin zuen.

Ehgameko kideek elkarretaratzea egin dute Bilbon, epaitegiaren atarian. App batean hitzordua egin ostean ustez gizon bat hiltzen saiatu zen gizonaren aurkako epaiketa gaur hasiko da bertan.

Astelehen honetan abiatuko da Bilbon aplikazio baten bitartez ezagutu ostean gizon bat hiltzen saiatzea egotzita atxilotu zuten gizonaren aurkako epaiketa. Gehitu Euskadiko LGTBI elkartea akusazio popular gisa aurkeztuko da. Saul Castro Gehituko abokatuarekin egon gara (jatorriz, gaztelaniaz).

Astelehen honetan abiatuko da Bilbon Nelson Daviden aurkako epaiketa. Aplikazio baten bitartez ezagutu zuen gizon bat hiltzen saiatzea egozten diote, eta beste lau gizonen heriotzarekin zerikusirik izan zuen ikertzen ari dira.

Irakaskuntza ikasleek hasiberriei isekak antolatzeko sortutako txat batean, lehengo mailara sartu berri diren nesken gorputza izan dute hizpide. Ia 200 laguneko txatean, ez da erreakziorik izan.

Harreman homosexualak izateagatik bizi arteko kartzela ezartzen duen legea indarrean sartuko da Ugandan, atzo Yoweri Museveni presidenteak onartu ondoren. Ezusteko gehiengoarekin aterako da, gainera, aurrera legea.

Villabonako eraso homofoboaren ustezko egileek eta biktimek deklaratu dute gaur, Tolosako epaitegian. Horretan, epaileak urruntze-agindua ezarri du ustezko erasotzaile batentzako.

Segurtasun sailburuak erantsi du Ertzaintzak "liskarrean" parte hartu zuten pertsona guztiak identifikatu zituela hasieratik, "erasotzailea bera ere".

Brayan eta Yeisson duela urtebete inguru etorri ziren Kolonbiatik Zizurkilera. Joan den igandean eraso homofoboa pairatu zuten Villabonan. "Ez genuen uste ihesi egitea eragin ziguna hemen ere gertatu behar zitzaigunik", esan dute.

Aratz Castro Bilbao Bizkaia Harroren koordinatzaileak kolektiboaren ikuspuntua azaldu du, Jakub Janktoren, Getafek utzita Sparta Pragan ari den jokalariaren, adierazpenak eta Qatarreko azken munduko txapelketan gertatutakoa abiapuntu hartuta (jatorrizkoa gaztelaniaz).

Ikerketa baten arabera, Espainian, futbolarien % 6-7k homosexualak dira, baina inork ez du pauso hori ematen.