Beste kirolak
Boxeoa
Jon Fernandezek AEBetan boxeatzeko kontratua sinatu du
eitb.eus
Etxebarriko boxeolariak hiru urte emango ditu, gutxienez, Lou DiBellaren gidaritzapean.
-
Jon Fernandez, kontratua sinatu ostean. Argazkia: EiTB.
Jon Fernandez boxeolariak urrats handia eman du bere ibilbide profesionalean AEBetan aritzeko kontratua sinatuta. Fernandez Lou DiBellaren gidaritzapean arituko da, eta kontratua Boxeo Idazleen Elkarteak egindako urteroko galaren atarian sinatu du.
Hiru urteko kontratua
"Ametsa da, zaila egiten zait sinestea", esaten du behin eta berriro Etxebarriko boxeolariak. Hasiera batean, hiru urterako sinatu du Fernandezek, baina aukera ezberdinak ditu kontratu hori luzatzeko eta berrikusteko bere errendimenduaren eta emaitzen arabera.
