Gu
Elkarrizketa
Marte Lasarte: “Modu askean sortzen saiatu gara, inongo kredorik gabe”
Pello Armendariz eta Borja Anton izan ditugu "GU"n, Marte Lasarte izeneko proiektu berria aurkezten.
-
Marte Lasarteko Pello eta Borja. Argazkia: Gaztea
12:51 min
Marte Lasarte izeneko proiektu berria aurkeztu digute Pello eta Borja taldekideek, "GU"n.
Skakeitan taldean ezagutu genituen bi kideak. 15 urteko bide emankorra eginda, oholtzak utzi zituzten 2023ko otsailean, gipuzkoar bandaren agur kontzertuan. Hori gertatu baino hilabete batzuk lehenago eman zituen Marte Lasartek bere lehen urratsak.
Skakeitanek eurengan utzitako arrastoa ezabaezina den arren, Marte Lasarten aske sortzeko baimena eman diete euren buruei, "inongo kredorik jarraitu gabe".
Gurera Pello eta Borja etorri dira, baina zuzenekoetan beste hainbat artistarekin ikusiko ditugula aurreratu digute.
Etorkizunera begira, diskoa ateratzeko asmoa du Marte Lasartek, urte amaierarako. Bitartean, "Basamortua" abestia entzun dugu zuzenean.
