Gizartea -
Emakunde
Maria de Maeztu Forum Feministari eman diote Berdintasunaren Saria
Emakunde sortzeko alderdi politikoei egindako presioa dela eta saritu dute elkartea.
Erredakzioa
Emakumeen Euskal Institutuak Maria de Maeztu Forum Feministari eman dio Berdintasunaren Saria, besteak beste, Emakunde sortzeko alderdi politikoei egindako presioa dela eta, Izaskun Landaida Emakundeko zuzendariak prentsaurrekoan jakinarazi duenez.
Ehun emakumek sortu zuten Maria de Maeztu Forum Feminista, Zarautzen (Gipuzkoa), alderdi politikoei emakumeen eta gizonezkoen arteko berdintasuna sustatzeko erakunde bat sortzea eskatzeko. Borroka horren ondorioz, Eusko Legebiltzarrak Emakunde sortu zuen, 1988. urtean.
Toñi Villen eta Begoña Etayo Forum Feministako ordezkariek prentsaurrekoan adierazi dutenez, "euren burua feministatzat jotzen ez duten neska gazteak ere badira feministak, gaur egun ez baitutzte onartzen duela 25 urte ohikoak ziren jarrerak".
Legeen arloan azken 25 urteetan "aurrerapauso ikusgarriak" eman dituztela goratu dute, baina "diskurtso formala eta benetako egoera" ez datozela bat ohartarazi dute.
Horren ildotik, hedabideek eta teknologia berriek estereotipo sexistak islatzen dituztela salatu dute, plataforma horien eragina erakundeena edo ikastetxeena baino handiagoa baita.
